Madina

.مدینہ عام شہر نہیں، یہ دل میں اترنے والی ایک خوشبو ہے

 روح کو گھیر لینے والا ایک سکون ہے۔

 مدینہ… روشنی کا گھر، رحمت کا سایہ، جہاں سانسیں ہلکی ہو جاتی ہیں

اور پریشانیاں قدم رکھتے ہی تحلیل ہو جاتی ہیں۔ 

"وَمَا أَرْسَلْنَاكَ إِلَّا رَحْمَةً لِّلْعَالَمِينَ" (الأنبياء: 107)

 یہ آیت یقین دلاتی ہے کہ یہ شہر اس ذات سے جڑا ہے جو تمام جہانوں کے لیے رحمت ہے ﷺ۔

  إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ

يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (الأحزاب: 56)

یہ آیت ہر زائر کے دل میں درود کی لہر دوڑاتی ہے۔

اس کی گلیوں کی خاموشی میں بھی تسبیح کی صدا سنائی دیتی ہے

 سبز گنبد محبت اور رحمت کی گواہی دیتا ہے

اور عاشقوں کے دل، دعاؤں کی زنجیروں میں بندھ کر اس کی طرف پلٹتے ہیں۔

"إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ" (الفتح: 10)

  اور یہ آیت  یاد دلاتی ہے کہ اس سرزمین نے ایمان والوں کی بیعت  اور  قربانیوں کو ہمیشہ کے لیے امر کر دیا۔

مدینہ کی رات... نوری اور پُرسکون

مدینہ کا دن... روشن اور دل آسمان سے قریب تر۔

"لَئِن شَكَرْتُمْ لَأَزِيدَنَّكُمْ" (إبراهيم: 7)

یہاں دل شکر کے سجدوں میں جھک جاتا ہے۔

جو بھی اس مقدس بستی میں آیا

اس نے محسوس کیا کہ اس کا دل جیسے دوبارہ زندہ ہو گیا ہو۔

مدینہ صرف ایک جگہ نہیں

یہ محبت کا مفہوم ہے

یہ سکون کا بسیرا ہے یہ حضور ﷺ سے جڑنے کی وہ کیفیت ہے جو دل کو ہمیشہ آباد رکھتی ہے۔

،دل کو مدینے کی ہوا لگتی ہے

.ہر دھڑکن میں درودں  کی صدا لگتی ہے

(تنویر)